Marglætisskip vitja í Runavík á ólavsøku
Umborð eru umleið 1500 ferðafólk
Runavíkar havn
27. juli 2024 kl. 18:43
Ólavsøkudag, hin 29. juli, koma tvey ferðamannaskip inn á Runavíkar havn. Hetta eru marglætisskipini Seven Seas Splendor hjá reiðarínum Regent Seven Seas Cruises og Insignia hjá reiðarínum Oceania Cruises. Bæði reiðaríini hoyra undir samtakið Norwegian Cruise Line Holdings.
Seven Seas Splendor, sum hevur vitjað fyrr, fer at liggja við bryggju frá kl. 6.30 - 14.00, og Insignia frá kl. 7.30 - 16.00. Lokala cruisetoymið er til reiðar at taka væl ímóti teimum umleið 1500 ferðafólkunum úr ymsum londum.
Tor Shipping er umboðsfelag hjá báðum skipum, og MB Tours er túrsmiður.
