Gunilla Bergstrôm, høvundurin handan bøkurnar um Álv Ákason, er deyð, 79 ára gomul.
Tað boðar bókaforlagið Bok-Makaren frá sambært SVT.
Gunilla Bergstrôm andaðist í heiminum, eftir at hava havt trupulleikar við heilsuni í eitt longri tíðarskeið.
Gunilla Bergstrôm vaks upp í Gøteborg, har hon las til til journalist, og hon árbeiddi eisini sum journalistur á Aftonbladet og Dagens Nyheter, áðrenn hon skrivaði sína fyrstu bók, Mias pappa flyttar, í 1971.
Árið eftir skrivaði og teknaði Gunilla Bergstrôm fyrstu bókina um Álv Ákason og við árunum gjørdist tað til 26 bøkur um Álv og pápa hansara.
Álvur Ákason eitur á svenskum Alfons Åberg.
Fimm og ein hálv millión eintøk av bókunum um Álv Ákason vórðu prentaðar í Svøríki, og um fýra milliónir eintøk vórðu prentað uttanlands. Bøkurnar eru umsettar til 30 mál.
Umframt bøkurnar um Álv Ákason, skrivaði Gunilla Bergstrôm eisini aðrar bøkur, og tilsamans eru útgivin 40 bøkur við hennara navni, ið hon eisini teknaði sjálv.
Gunilla Bergstrom fekk í 2019 kongaligu medaljuna Liatteris et Artibus fyri avrik sítt sum rithøvundur. Frammanundan hevði hon fingið Illis quorum meruere labores frá svensku stjórnini í 2012 og Pro Patrias frá kongaliga felagsskapinum í 2018.
