MáF vertur fyri NEATA fundi í Føroyum

NEATA er felagið fyri áhugasjónleik í Norðurlondum og teimum Baltisku londunum.

MáF – Meginfelag áhugaleikara Føroya – er limur í NEATA, og Noomi Reinert, forkvinnan í MáF, er næstforkvinna í NEATA.

Starvsnevndin í NEATA møtist javnan at fundast um samstarv innan áhugasjónleik í Norðurevropa, og aftur hesu ferð var túrurin komin til Føroyar.

Ímeðan starvsnevnin í NEATA fundaðist í Føroyum, vóru eisini stundir til at síggja eitt sindur av Føroyum.

Á myndini sæst starvsnevndin í NEATA í Norðagøtu framman fyri standmyndini av Tróndi í Gøtu.

Frá vinstru sæst Noomi Reinert, næstforkvinna í NEATA, Jacob Galtung-Melchior úr Danmark, aðalskrivari í NEATA, og Sofia Wegelius úr Finlandi, forkvinna í NEATA.