Løgreglan hevur stongt innskrivingina á flogvøllinum í Kastrup

Nógv løgreglufólk eru til staðar á flogvøllinum í Kastrup í løtuni.

Orsøkin er tann, at onkur 'illgrunasom viðurskifti' verða kannað. Løgreglan hevur tí eisini valt at steingja alla innskriving á flogvøllinum, meðan málið verður kannað.

Hetta upplýsir løgreglan í Keypmannahavn á sosiala miðlinum X.

Sambært Ekstrabladet er talan um ein illgrunasaman lut, sum er funnin í trygdarøkinum.

Enn er ikki greitt nær innskrivingin á flogvøllinum letur upp aftur.