Tað er ikki fallið í góða jørð hjá teimum, ið skipa fyri endaspælinum í íshokki, sum er í Lettlandi í hesum døgum, at myndugleikarnir í Hvítarusslandi herfyri noyddu eitt flogfar hjá Ryanair at seta seg í høvuðsstaðnum í Hvítarusslandi, Minsk, so myndugleikarnir kundu handtaka andstøðingin og samfelagsrevsaran Roman Protasevitj.
Borgarstjórin í Riga, Martins Stakis og uttanríkisráðharrin, Edgars Rinkevics, hava tí avgjørt at skifta almenna hvítarussiska flaggið út við hvít-reyða-hvíta flaggið hjá andstøðuni, sum umboðar mótstøðu móti hvítarussiska stýrinum, skrivar baltiskir miðlar.
Sambært borgarstjóranum í Riga, “so umboðar flaggið eitt stýrið, ið loyvir stjórnaryvirgang, tí skal tað ikki hava loyvi til at flagga í hansara býi”, verður hann siteraður fyri.
Eisini er almenna russiska flaggið strikað til kappingina. Ístaðin verður olympiska flaggið fyri russiska sameldinum brúkt. Hetta kemur í kjalarvørrinum av teimum trupulleikunum, ið Russland hevur havt við IOC í samband við doping.
