Fýra fólk vórðu dripin, tá ein bumba sprongdi í einum handli í býnum Leicester í Onglandi, tað skrivar BBC News á heimasíðu sína.
Íbúgvar søgdu seg hava hoyrt "eitt brak, sum ein jarðskjálti", tá bumban brast á Hinckley Road umleið klokkan 7 í gjárskvøldi.
Løgreglulið hava boðað frá, at fýra onnur fólk eru innløgd á sjúkrahúsi, har av ein við álvarsligum løstum.
Sambært Shane O´Neill, løgregluovasta, er møguleiki fyri, at enn fleiri fólk eru saknaði, og bjargingarlið halda fram við rannsakanini í dag, mánadag.
Sum nú er, verður spreingingn ikki sett í samband við yvirgang, legði hann aftrat.
Í bygninginum var ein handil á gøtuhæddini, og ein íbúð í tveimum hæddum uppi yvir.
Sambært vitnum, var talan um eina pólska sølumiðstøð.
Líkini av fýra fólkum vórðu funnin, tá leitað varð í bygninginum, segði Matt Cane, liðleiðari í brandstøðini í Leicestershire.
Hann legði aftrat, at enn varð leitað eftir fólki í leivdunum frá spreingingini.
"Tá tú hyggur eftir myndunum av bygninginum, tykist tað ógvuliga sannlíkt, at finna nakran, men vit leggja alla okkara orku í leitiarbeiðið", segði Matt Cane.
Kelda: BBC News
