Landsliðið ferðast kring landið
Tríggjar dagar í hesi vikuni fer landsliðið í fótbólti at venja í trimum ymiskum støðum
Jóannes Hansen
11 tímar síðan
Fyrrapartin kunngjørdi Eyðun Klakstein, hvørjir spælararnir eru, sum hann hevur sent boð eftir at vera við í ferðalagnum, sum seinni í mánaðinum fer til Armenia og Norðurmakedonia.
Leygarkvøldið varð punktum sett fyri fótbóltsárið heima á landi, tá ið HB vann steypafinaluna ímóti B36.
Í feløgunum eru venjingarnar fyrstu vikurnar eftir kappingarlok ikki so intensar, sum tær hava verið. Tí eru landsliðsspælararnir stevndir til venjingar trý kvøld í hesi vikuni.
Týskvøldið klokkan 17.30 til 19.00 verður vant í Klaksvík.
Hóskvøldið klokkan 17.30 til 19.00 verður vant í Runavík.
Fríggjadagin klokkan 16.30 til 18.00 verður vant á Tórsvølli.
Aftaná venjingarnar ber til at fáa autografar, skrivar Fótbóltssambandið.
