Kristiliga Sangkórið hevur várkonsert í Kirkjuni við Norðskála sunnudagin 16. mai klokkan 16:00 við løttum vártónum, sálmaútsetingum og orgulspæli. Eftir várkonsertina fer kórið norður til Ljósá at eta ein betri bita á Rose’s Cafe. Kristiliga Sangkórið dámar væl at fara á kórferð til ymisk støð í landinum og at “gera ein túr burtur úr tí”.
Beint áðrenn várkonsertina luttekur Kristiliga Sangkórið eisini í gudstænastu í Hvalvíkar kirkju klokkan 12:00. Katrina Svartá lestur lestur. Kórleiðarin Sámal Matras Kristiansen er eisini organistur í Hvalvíkar kirkju, og kórið hevur tí siðvenju at vitja gomlu trækirkjuna einaferð um árið.
Kristiliga Sangkórið í Varðhaldið
Komandi týskvøld 18. mai fer Kristiliga Sangkórið tó ein heldur øðrvísi túr. Í staðin fyri venjing gongur leiðin niðan í Varðhaldið í Mjørkadali. Har verður sungið fyri teimum innsettu. Tiltakið er ikki opið fyri almenninginum.
At enda verður Kristiliga Sangkórið eisini at hoyra til hvítusunnugudstænastu í Vesturkirkjuni 23. mai, har Derhard Jógvansson prædikar.
Kristiliga Sangkórið vónar at hitta nógv sangglað fólk komandi dagarnar, áðrenn farið verður í summarfrí.
