Kongsvitjanin 1921: "...det er så vidt mig bekendt første Gang, at en Dronning gæster Færøerne"

Í ár eru hundrað síðani, at Christian X kongur og Alexandrine drotning vóru á almennari vitjan í Føroyum. Hetta var aðru ferð, at ein sitandi kongur kom til Føroya, og tað var fyrstu ferð, at ein drotning vitjaði. Tað var sera spennandi hjá fólki at síggja kongshúskið. Sera nógv varð gjørt burturúr, og fólkastevna var í Havn í sambandi við kongsvitjanina. Kommunuskúlin varð brúktur sum matarhøll, drykkjustova og gistingarhús. Eingilskur dansur var í fimleikahøllini, og føroyskur dansur var í Tinghúsinum