Kongshúsið boðar í dag frá, at norðurlendskir skúlanæmingar hava havt kongaliga vitjan.

Ein miðnámsskúlaflokkur við næmingum úr Føroyum, Grønlandi, Íslandi og Danmark tók ímóti dag ímóti hansara hátign Fríðrikur kongi. Hann vitjaði ínorðuratlantiska miðnámsskúlaflokkin, NGK, á Gribskov Gymnasium.

Útbúgvingin savnar ung úr øllum Norðuratlantshavi til eitt trý ára útbúgvingarskeið, har tey búgva og lesa í teimum trimum londunum í kongaríkinum.

Kongurin luttók í undirvísing í 1n. Í flokkinum eru trettan næmingar úr fýra londum, og prátið var um teirra upplivingar av skiftandi bústaðum, mentanum og samfeløgum.

Sum næmingur í NGK byrjar tú í 1.g á Gribskov Gymnasium, heldur fram í 2.g á Miðnámi á Kambsdali í Føroyum og lýkur matrikulroynd í 3.g á GUX Sisimiut í Grønlandi.

Á rundvísingini á miðnámsskúlanum greiddu næmingarnir frá gerandisdegnum í Danmark og um teirra komandi ár í Føroyum og Grønlandi.

Teir tríggir skúlastjórarnir úr skúlunum fylgdu kongi. Teir góvu honum eitt víðfevnt innlit í, hvussu samstarvið millum stovnarnar skapar tann sterka norðuratlantiska felagsskapin, sum næmingarnir bæði búgva í og ​​læra av.

Myndir: Kongehuset