Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Heri Sverrason, borgarstjóri í Sands kommunu:
Hvat avrik í hesum valskeiðnum er tú fegnast um?
- Eg frøist um, og eri errin av, at tað eydnaðist at gera risa stóra útstykking, at tað er settur sjøtil á at byggja nýggjan barnagarð og at flakavirkið aftur er ogn hjá Sands kommunu – íløgur, sum eru alneyðugar, nú vit eru vorðin ein samanrunnin partur av meginøkinum
Hvat mál, sum ikki eydnaðist at loysa í hesum valskeiðnum, iðrar tú teg mest um?
- At kloakkviðurskiftini ikki komu nærri eini endaligari loysn.
Hvat er størsta málið, sum er fyri framman, í komandi valskeiði?
- Samanlegging við størri og sterkari kommunueind.
Stillar tú upp aftur á komandi kommunuvali?
- Nei.
