Tórshavnar ommuna hevur givið tilsøgn til at veita róðrarfelagnum Knørri stuðul til nýtt róðrarneyst í Álakeri.

Talan er um eitt neyst í trimum hæddum, sum verður 1.675 fermetrar stórt.

Felagið søkti kommununa um íløgustuðul upp til 30% av verkætlanini, og kommunan hevur givið tilsøgn um stuðul upp á tilsamans 11 mió. krónur – 5,5 mió. í 2026, sum verða tiknar av meirinntøkunum fyri 2025, og aðrar 5,5 mió. í 2027.

Róðrarfelagið Knørrur hevur síðan stovnanina í 1985 verið í støðugum vøkstri og hevur nú tíggju bátar og manningar í øllum aldri. Knørraneystið skal savna virksemið hjá felagnum á einum stað og vera karmur um gott og virkið felagslív.

Ætlanin er, at umframt at vera felagshús skal Knørraneystið eisini vera sum eitt virkið mentanarhús, ella eitt livandi savn, har báturin kann upplivast við framsýnginum, søgum og rættiligum smíði, har bátar verða umvældir og skaptir frá kjøli.

Um alt gongur sum ætlað, verður farið undir byggingina fyrst í komandi ári.