KÍ til Letlands, NSÍ til Finlands
Lutakast var fyri løtu síðani um fyrsta undanumfar í nýggju Conference League hjá UEFA. KÍ trekti eitt lettiskt lið, meðan NSÍ fekk eitt lið úr Finlandi
Steinar Patursson
15. juni 2021 kl. 13:17
Lutakast hevur fyri løtu síðani verið um dystirnar í nýggju Conference League kappingini, og úrslitið gjørdist, at KÌ skal spæla móti RFS úr Letlandi, meðan NSÍ skal spæla móti Honka Espoo úr Finlandi.
Talan er um fyrsta undanumfar í nýggju UEFA kappingini, ið liggur eitt stig niðan fyri Europa League.
RFS liggur í løtuni ovast í lettisku kappingini, meðan Honka er á 8. plássi í finsku kappingini.
Bæði KÍ og NSÍ skulu spæla útidystirnar fyrst og síðani heimadyst.
Sambært kalendaranum hjá Conference League verður fyrsta undanumfar av Conference League 8. og 15. Juli.