Klokkan 19 fer Eiler Rasmussen at bríksla fyri fyrstu ferð í Sarpugerði í Norðragøtu. Víkingur hevur vitjan av KÍ.
Liðið hjá Víkingi sær umleið soleiðis út, sum tað hevur gjørt seinastu ferðirnar. Sølvi Vatnhamar er tøkur aftur eftir leikbann, og tað ber við sær, at Jákup Johansen er á beinkinum. Hann fór at vøllinum í 72. minutti, tá ið TB sunnudagin vann 2-0 í Trongisvági. Poul Kallsberg er aftur í kvøld millum teir fyrstu ellivu.
Sammett við teir fyrstu ellivu týskvøldið, tá ið KÍ á Tórsvølli vann 2-1 ímóti Molde í Champions League hevur Magne Hoseth gjørt seks broytingar. Fimm spælarar, sum vóru millum teir fyrstu ellivu týskvøldið eru eisini millum teir fyrstu ellivu í kvøld. Teir eru Odmar Færø, Vegard Forren, Luc Kassi, Árni Frederiksberg og Claus Philip Kronberg.
Markus Olsen Pettersen verjir málið, meðan Nils Jonatan Johansson, sum seinastu vikurnar hevur verið fastur málverji, er á beinkinum saman við eitt nú Jóannes K. Danielsen. Heini Vatnsdal, Jákup B. Andreasen og René Shaki Joensen eru ikki á listanum. Deni Pavlovic er leikbannaður í kvøld, og Hallur Hansson, sum týskvøldið varð skiftur inn, er ikki á listanum í kvøld.
Nýggir á liðnum sammett við týskvøldið eru umframt málverjin Børge Petersen, Óli Eyðsteinsson Poulsen, Mads Bo Mikkelsen, sum ikki hevur verið á liðnum síðani í 2-1 heimasigrinum ímóti AB á norðoyastevnu, og Patrick da Silva og Sivert Gussiås, sum vórðu skiftir inn týskvøldið.
Víkingur – KÍ kl. 19.00
Dómari: Eiler Rasmussen
Víkingur: Bárður á Reynatrøð – Signar á Brúnni, Atli Gregersen, Arnbjørn Svensson, Ingi Jonhardsson – Aron Jarnskor Ellingsgaaard, Géza Dávid Turi, Sølvi Vatnhamar – Poul Kallsberg, Finnur Justinussen, Olaf Bárðarson
Á beinkinum: Jákup Johansen, Martin Klein Joensen, Páll Eirik Djurhuus, Bjørn Bakk Bjarkhamar, Ari Olsen, Ingi Arngrímsson og Árni Nóa Atlason
KÍ: Markus Olsen Pettersen – Odmar Færø, Børge Petersen, Vegard Forren – Claes Philip Broberg, Mads Bo Mikkelsen, Luc Kassi, Patrick da Silva – Árni Frederiksberg, Sivert Gusiås, Óli Eyðsteinsson Poulsen
Á beinkinum: Nils Jonatan Johansson, Páll A. Klettskarð, Jonn Johannesen, Símun Kalsø, Jóannes K. Danielsen, Olaf K. Hansen og Issah Ahmed Latif
