Føroyingar, ið hava havt nokkso ringt við at finna sær leiðina heim, eftir eina heldur váttliga nátt á Skarv, eru ofta endaði í Nýhavnini, har Hong Kong heldur til.
Hong Kong, sum er eitt víðagitið vertshús og hevur sæð og upplivað eitt sindur av hvørjum, er nú sett til sølu.
Men skalt tú hava fingrarnar á skeytið til Hong Kong í Nýhavn 7, so ert tú noyddur at fara djúpt í lumman.
Keypsprísurin fyri vertshúsið er settur til 7,25 milliónir krónur, umframt eina mánaðarleigu á 51.912 krónur, men afturfyri fært tú eitt petti av Danmarkar-søgu við í keypinum.
Tað var í 1946, at vertshúsið lat upp undir navninum Kasino, og í 1952 fekk tað navnið Hong Kong. Sjálvur bygningurin er frá tíðarskeiðnum millum 1674 og 1694.
Til ber at lesa meira um vertshúsið her.
