Kashmir  Eitt paradís við útigongubanni

„VÆLKOMIN TIL Srinagar!“  Ein lágvaksin maður við brillum og lítlum búki kom smárennandi yvir til mín og tók ryggsekkin. „Eg skal gera mítt ítasta, at tær fer at dáma Kashmir, tá ið tú fert avstað aftur!“ lovaði hann mær og reyk avstað við ryggsekkinum. Nakrar vikur undan hevði eg tosað eitt sindur við eitt indiskt ferðamannafelag um, hvussu eg skuldi ferðast í Norðurindia og hevði gjørt av, at eg vildi leggja mær leiðina sjálv.