Tað verður kanska neyðugt hjá summum at fáa eitt prik afturat seinni í ár, so talið kemur upp á trý prik.
Statens Serum Institut boðar frá, at hetta verður kanska neyðugt vegna Delta-frábrigdið, ið er farið at gera um seg.
Tað sigur stjórin fyri Statens Serum Institut, Henrik Ullum.
– Vit kunnu ikki útihýsa, at tað verða nøkur, sum fara at fáa brúk fyri einum triðja priki og harvið stimbra sína immunverju. Um tað eru øll yvir 50 ár, veit eg ikki heilt, men tað verður væntandi tey, ið eru í serligum vanda fyri at verða smittað – also tey eldru og veiku, sigur hann.
Tað skrivar Danmarks Radio.
Henrik Ullum leggur tó dent á, Statens Serum Institut hevur brúk fyri meira hagtølum, áðrenn tey kunnu gera sær niðurstøðu um tørvin fyri einum triðja priki.
