Jensa tapti ímóti Brøndby

Jensa Tórolvsdóttir og liðið hjá henni, Thy-Thisted spældu í dag ímóti Brøndby í Gjesidige Ligaen, sum er besta danska kvinnudeildin. Brøndby vann dystin 3-2, eftir at Thisted-Thy var í odda 2-1 í hálvleikinum. Jensa byrjaði inni, og spældi næstan allan dystin. Hon bleiv útskift í 84. minutti.

Miðvallarin á føroyska landsliðinum skifti í vetur úr Víkingi til Thy-Thisted, sum í løtuni liggja á einum sætta plássi í meistarabólkinum í Gjesidige Ligaen. Síðani skiftið, hevur hon leikt átta dystir fyri felagið. 

Næsti dystur hjá Jensu og Thy-Thisted verður leygardagin, tá tær skulu spæla á útivølli ímóti FC Nordsjælland.