Italia og Stórabretland í felags fráboðan: Vilja stríðast ímóti ólóligum innflytarum

Italia og Stórabretland vilja í felag ganga á odda í Europa um at stríðast ímóti fólkasmuglarum.

Tað siga forsætisráðharrarnir í londunum í eini felags fráboðan í italiensku avísini Corriere della Sera og bretsku The Times sambært Reuters.

-    Okkara sjónarmið og mál eru tey somu, og vit eru tveir teir tættastu vinirnir á økinum í Europa í dag, ljóðar tað frá Rishi Sunak og Giorgia Meloni.

-    Vit arbeiða saman fyri at forða bátunum, og vit heita á onnur um at virka við somu fatan av tí átrokandi støðuni.

Fráboðanin kemur tveir dagar eftir at ríkisleiðararnir vóru á fundi við fleiri europeisk lond um støðuna.