Norra fekk sína fyrstu battaríferju í 2015, og Ísland hevur júst bílagt sína fyrstu. Tað skrivar tu.no herfyri
Talan er um eina 70 metur langa ferju, ið skal ferðast í veðurbarda strekkinum millum Landeyjahöfn á meginlandinum og Vestmannøyene. Hetta er ein siglingarleið á 13 kilometur, sum svarar til sjey sjómíl, ið fer fer at taka nýggju ferjuni 45 minuttir.
Ferjan verður útgjørd við einum battarípakka við 3 MWh frá Corvus og verður lødd við 2,5 MW umvegis eitt Stemmann LV løðitorn (lágspenningur). Løðitíðin er 30 minuttir. Ferjan at kunna sigla 3.600 túrar árliga.
Ferjan fer tó at hava ein dieselgenerator frá MTU sum trygd, um veðrið onkuntíð er serliga ringt.
Betrað reglusemi
Tann nýggja ferjan fer at betra reglusemið munandi, tí fyri at snúgva sær undan illveðri, mátti ferjan áður sigla ein umveg og leggja at í eini tryggari havn aðrastaðni. Hetta økti siglitíðina frá 45 minuttum til nærum tríggjar tímar, og elvdi til sjóverk hjá ferðafólkunum.
Nýggja battarírikna ferjan fer at kunna gagnnýta tilætlaðu havnirnar í væl størri mun.
Skilabesta loysnin
Stjórin í flotadeildini í strandar- og vegamálum í Íslandi, Sigurdur Gretarsson, sigur í einum tíðindaskrivi, at tøknin hjá ABB loysir trupulleikarnir við sniði og útgerð.
– Loysnin hjá ABB veitir nokk av orku til at sigla trygt í ringum sjógvi, samstundis fáa vit mest burturúr rakstrinum við minimalari dálking, sigur Sigurdur Gretarsson.
ABB hevur ment eina javnstreymsskipan til skip, ið kallast Onborar DC Grid, sum skal minka um orkutap við løðing og brúki av streymi.
Juha Koskela, leiðari fyri flota- og strandarvirkseminum hjá ABB sigur, at tað eru sera avbjóðandi umstøður, ferjan kemur at sigla í. Dýpdin er summastaðni 4,5 metrar og hæddin á aldunum kann verða upp í 3,5 metrar.
- At vit hava valt tøknina hjá ABB á eini slíkari veðurbardari leið, er eitt nýtt stig fyri battarrikin skip. Samsvarandi okkara hugsjón um elektrisk og talgild skip, vísir henda verkætlanin, hvussu ein samskipan av skipanum kann rigga umborð og millum skip og serfrøðingar á landi sigur Juha Koskela.
Norskir útvegarir
Tað er tøknifrøðiliga vinnufelagið, ABB í Norra, sum hevur gjørt sáttmálan við strandar- og samfersðluverkið í Íslandi. ABB veitir ferjuni generatorar, transformatorar, elektriska stýrisskipan og eina stýrisskipan fyri battarígoymsluna. Við fjareftirlitsútgerð og dátugreining verður ferjan verður knýtt at eini deild hjá ABB, Ability, sum stendur fyri eftirliti, dátugreining, vilíkahaldi og ráðgeving.
Tað er norska fyritøkan, Corvus, ið veitir ferjuni battaríini, og Rolls-Royce veitir henni síðuskrúvurnar. Polarkonsult í Harstad í norra hevur sniðgivið ferjuna, ið verður bygd í skipasmiðjuni, Crist, í Póllandi.
Royndarsiglingar hjá íslendsku battaríriknu ferjuni verða nú í februar, og í Norra vænta tey, ið varða av vegamálum, at í 2021 verða 70 battarírikin skip í Norra.
