India fingið 150.000 skamtir úr Russlandi
India, sum í dag hevði meira enn 400.000 nýggjar smittutilburðir, hevur nú fingið 150.000 skamtir av russiska koppsetingarevninum Sputnik V.
Katrin Erlendsdóttir
1. mai 2021 kl. 18:41
Tað stendur einki til við koronu í India. Landið setti í dag eitt keðiligt met við meira enn 400.000 nýggjum tilburðum, og støðan er hættislig, upplýsir Reuters. Í roynd at bøta um støðuna hevur India tí fingið 150.000 skamtir av koppsetingarevninum Sputnik V úr Russlandi.
Deyðstølini í India øktust sera skjótt, tá annað umfar av koronu av álvara fór at gera um seg fyri einum mánaða síðani ella so. Ein av heilt stjóru avbjóðingunum í India er, at landið ikki hevur nóg mikið av sjúkrahúsplássum til tey mongu smittaðu, ið hava tørv á viðgerð.
Í mun til USA, Brasil og onnur eru almennu tølini á deyðum lutfalsliga lág í India. Men vit eru vís í, at stjórnin ikki upplýsir røttu tølinum á deyðum, siga íbúgvar í India við eitt nú BBC.
