Í kvøld klokkan 19 føroyska tíð, skipar borgaraumboðanin í kommununi í Keypmannahavn, fyri minningarhaldi í samband við døpru hendingina í Field’s sunnudagin. Ætlanin er, at minningarhaldið skal vera uttanfyri Field’s.
Síðan álopið sunnudagin hava fleiri borgarar víst sína samkenslu á sosialum miðlum, millum annað á Facebook og Instagram. Hesi uppsløg hava eisini verið at sæð millum føroyingar. Í kvøld verður høvi til at vísa sína samkenslu uttanfyri Field’s.
Í gjár bað yvirborgarstjórin í Keypmannahavn, Sophie Hæstorp Andersen, borgararnar savnast á Ørestads Boulevard við Field's týskvøldið klokkan 19 føroyska tíð. Síðan tá hevur verið riggað til minningarhaldið í kvøld.
Til minningarhaldið vera bæði røður og tónleikur at hoyra. Krúnprins Frederik hevur boðað frá, at bæði hann og prins Christian vera hjástaddir undir minningarhaldinum.
Skráin sambært Berlingske:
- Yvirborgarstjórin í Keypmannahavn, Sophie Hæstorp Andersen, borgunum vælkomnum.
- Síðan syngur kóri Ungklang “Lyse Nætter”.
- Síðan heldur forsætisráðfrúan Mette Frederiksen røðu.
- Ungklang syngur “Et hav der vugger os til ro nu”.
- Sophie Hæstorp Andersen, Yvirborgarstjóri í Keypmannahavn, heldur røðu.
- At enda syngur Andreas Odbjerg sítt kenda lag “i morgen er der også en dag”.
Til ber at fylgja við minningarhaldinum, sum byrjar klokkan 19 føroyska tíð, á DR1.
