Í kvøld skal slagið standa

Í kvøld klokkan 20 tekur A-landsliðið hjá monnum hjá monnum móti Kekkia í EM-undankappingardysti í Høllini á Hálsi.

Føroyska liðið hevði sína seinastu venjing í gjárkvøldið, og greitt er, at allir mans eru klárir til í kvøld. Filip Jojic hevur verið eitt sindur ivasamur, men hann er nóg birgur at spæla og verður við til dystin.

A-landsliðið hjá monnum var saman millum jól og nýggjár, og eftir seinastu venjingina var greitt, at liðið, ið møtir Kekkia til EM-undankappingardystirnar, í stóran mun verður tað sama, sum varð úttikið fyrr í ár, áðrenn dystirnir vórðu útsettir vegna koronufarsóttina.

Landsliðsvenjararnir Sonni Larsen og Dia Midjord siga seg vera væl nøgdar við avrikini frá úttiknu leikarunum eftir seinastu samling.

- Vit hava gjørt alt, sum vit kunnu fyri at verða so klárir sum gjørligt til dystirnar móti Kekkia, sigur Sonni Larsen, høvuðsvenjari hjá føroyska hondbóltslandsliðnum.

Hesir eru úttiknir at møta Kekkia til undankappingardystirnar 6. og 9. januar:

Nicholas Satchwell, KA Akureyri
Tórður Skorheim Guttesen, Odder Elite Håndbold
Rói Berg Hansen, HØJ
Leivur Mortensen, Ajax København
Brandur Halgirson, Ajax København
Jónas Gunnarson Djurhuus, Viking Stavanger
Filip Jojic, VÍF 
Peter Krogh, H71
Teis Horn Rasmussen, TM Tønder
Kjartan Johansen, Viking Stavanger
Vilhelm Poulsen, Fram
Allan Norðberg, KA Akureyri
Pætur Thomsen, H71
Helgi Hildarson Hoydal, Viking Stavanger
Rókur Akralíð, HEI Skæring
Rógvi Dal Christansen, Fram

Fyrri undankappingardysturin verður í Høllini á Hálsi 6. januar, meðan seinni dysturin verður leiktur í Pilzen í Kekkia 9. januar.

Dysturin verður leiktur uttan áskoðarar, men KvF vísir dystin.

Kelda: Hondbóltssamband Føroya