![](/assets/articles/mbappe-1718618587.webp)
![Dimma.fo Logo](https://www.dimma.fo/assets/dimmalaetting.png)
Teir vóru í EM-finaluni í 2016, men taptu á heimavølli ímóti Portugal. Í 2018 vunnu teir HM, og í 2022 taptu teir í HM-finaluni ímóti Argentina. Franska landsliðið er eitt av teimum bestu í heiminum, og telist liðið tískil eisini ímillum favorittarnar, til at vinna EM. Í kvøld spælir liðið sín fyrsta dyst í bólkaspælinum.
Mótstøðuliðið hjá Fraklandi í kvøld er Eysturríki. Fyri Frakland er hetta ein dystur, sum skal vinnast, og fyri Eysturríki er ein javnleikur eitt gott úrslit. Eysturríkar síggja helst størri møguleika fyri stigum í dystunum ímóti Hollandi og Póllandi.
Hinir báðir dystirnir í dag eru báðir í bólki E, sum at mongum verður mettur at vera tann veikasti bólkurin. Liðini í bólkinum eru Rumenia, Ukraina, Belgia og Slovakia.
Dystirnir í dag eru hesir:
Bólkur E
Klokkan 14: Rumenia - Ukraina
Klokkan 17: Belgia - Slovakia
Bólkur D
Klokkan 20: Frakland - Eysturríki