Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Bjørg á Rógvi, borgarstjóri í Vestmanna kommunu:
Hvat avrik í hesum valskeiðnum er tú fegnast um?
- At Fjallsvegur bleiv veruleiki, og at mentanarøkið er uppraðfest. Fegnist eisini um, at fyrireikingararbeiðið í samband við høvuðsumvæling av Vestmanna Skúla er komið væl ávegis, og at kommunan er skuldarfrí, sum er alneyðugt í samband við stóru verkætlanina.
Hvat mál, sum ikki eydnaðist at loysa í hesum valskeiðnum, iðrar tú teg mest um?
- At tað neyvan fer at eydnast at fara undir at víðka kirkjugarðin, tí tað er trupult at finna arbeiðstakara til verkætlanina.
Hvat er størsta málið, sum er fyri framman, í komandi valskeiði?
- Høvuðsumvæling av Vestmanna Skúla.
Stillar tú upp aftur á komandi kommunuvali?
- Eg veit ikki enn.
