Betri Banki kunnger í dag roknskapin fyri 2024. Árið var sum heild merkt av góðum úrslitum á virkisøkjunum hjá bankanum, og avlopið gjørdist 290 milliónir.
Bankin sigur at útlánini vuksu 5,5 prosent í fjør, og hetta førdi til hækkaðar rentuinntøkur. Harnæst fekk bankin eitt gott avkast av íløgunum, og samstundis sum inntøkurnar eru hækkaðar, eru útreiðslurnar ikki vaksnar við somu ferð sum inntøkurnar.
Jean Djurhuus, forstjóri, sigur, at eru væl nøgd við úrslitið í fjør. Hann sigur, at hetta er úrslitið av einum miðvísum arbeiði fyri at bøta um gjaldførið og kapitalgrundarlagið hjá bankanum, og hetta er eydnast.
– Hesi seinastu fýra árini hava vit megnað at økt okkara útlán yvir tvær milliardir, sigur stjórin.
Betri Banki væntar, at árið í ár verður lakari enn í fjør og høvuðsorsøkin er, at renturnar eru lækkaðar, bæði í fjør og í ár.
Árið í stuttum: Ársúrslitið: 290 c
Úrslitið áðrenn skatt: 351 milliónir
Fíggjarstøðan javnvigar við 12.360 milliónir
Útlán: 8.579 milliónir
Innlán: 9.469 milliónir
Eginpeningur: 2.554 milliónir
Kjarnukapitalprosent við árslok er 36,6 prosent
