![](/assets/articles/Screenshot-2023-05-01-at-21.20.47.jpg)
![Dimma.fo Logo](https://www.dimma.fo/assets/dimmalaetting.png)
Stýrið fyri menningarstovuna Visit Vágar hevur sett Bryndis í Dali sum nýggjan leiðara fyri Visit Vágar. Bryndis kemur at standa fyri arbeiðinum, at menna ferða- og upplivingarvinnuna í Vágum og Mykinesi.
Bryndis er 30-ára gomul, ættað úr Havn, men er búsitandi í Miðvági. Hon er útbúgvin BA í søgu og hevur ein kandidat í altjóða ferðavinnu frá Aalborg Universitet. Hon kemur úr starvinum sum leiðari á Visit Sandoy, har hon hevur verið hesi seinastu trý árini.
Høvuðsuppgávan hjá Bryndis verður at menna ferðavinnuna og upplivingarvinnuna í økinum - burðardygt sosialt, umhvørvisliga og fíggjarliga. Og endamálið er, at sum mest liggur eftir í lokaløkinum. Í tí liggur, eitt nú, at taka stig til, kveikja og leggja lag á at menna nýggjar og verandi tænastur og upplivingar í økinum, og støðugt dagføra og nútíðargera hættir at samskifta og marknaðarføra.
Bryndis byrjar í starvinum tann 1. juni.