27. januar l945 náddu russisk herlið týsku týningarleguna Auschwitc í Póllandi. Hetta var eingin tespilig sjón, ið teir sóu. Myndir, ið tiknar vóru hendan dagin - og í øðrum legum nazistanna - gjørdust prógv fyri teimum ræðuligu gerðum, ið vóru framdar móti jødum og øðrum undir seinna heimsbardaga.
Løgtingið samtykti fyri nøkrum árum síðani, at 27. januar skuldi staðfestast sum Holocaust-dagur í Føroyum, so hesar ræðuligu gerðir nazistanna ikki fóru at verða gloymdar. Samstundis skuldi hesin dagurin verða ein áminning um, at slíkar ómenniskjaliga gerðir ongantíð máttu henda aftur. Tí er heitið á stevnuni í Lívdini leygardagin kl. 16.00: "Ongantíð aftur".
Holocaust-stevnan verður skipað av feløgunum "Vinir Ísrael í Føroyum" og ICEJ Føroyadeild (Altjóða Kristna sendistovan í Jerusalem). Á stevnuni fer føroyski Ísraelssangbólkurin í Filadelfia í Gøtu at syngja hebraiskar sangir, Monica Staus spælir fiól, Róland og Elsa í Skorini fara eisini at greiða frá. Føroyska Katrin Weyhe, sum búði í einari av bygdunum, ið varð álopin av Hamas leygardagin 7. oktober 2023, vísir í videoupptøku hvussu harðliga Hamasálopið á bygd (kibbutz) hennara fór fram.
