Hósdagin 5. september fara Føroyar at spæla U-21 EM undankappingardyst á útivølli í Kroatia, og týsdagin 10. september klokkan 17.30 verður heimadystur í Klaksvík.
Á tíðindafundi í FSF húsinum í morgun boðaði Eyðun Klakstein landsliðsvenjari frá, hvørjum spælarum hann hevur sent boð eftir. Millum spælararnar, sum hava verið fastir menn á liðnum, og sum ikki eru á listanum hesa ferð, eru Samuel Johansen Chukwudi, sum er fluttur á A-landsliðið og álopsspælarin Áki D. Samuelsen úr hB, sum er skaddur. Nýggir spælarar eru NSÍ miðvallarin Beinir Nolsøe og Leivur Fossdal Guttesen, sum fríggjakvøldið var sera eyðsýndur, tá ið HB í Sarpugerði vann seg í steypafinaluna.
-At úttaka liðið hevur verið bæði torførari og hugaligari, enn tað áður hevur verið, tí tað eru nógvir spælarar, sum eru væl fyri. Teir eru fleiri, sum regluliga spæla í bestu deildini, enn tað hava verið, og nú eru tað fleiri, sum av álvara hava víst seg fram, so tað er hugaligt, sigur Eyðun Klakstein U-21 landsliðsvenjari.
Higartil hava Føroyar vunnið sjey stig í hesi EM undankappingini, og landsliðsvenjarin heldur, at tað eru møguleikar fyri at vinna uppaftur fleiri stig.
Málmenn
Ári Petersen KÍ
Jóannes Davidsen EB/Streymur
Verjuspælarar
Gullbrandur Øregaard Sandnes ULF Norra
Børge Petersen KÍ
Ási Dam HB
Elias Rusborg Hvidovre IF Danmark
Martin Agnarsson Viborg Danmark
Bergur Poulsen EB/Streymur
Miðvallarspælarar
Noah Mnenéy HB
Aron J. Ellingsgaard Víkingur
Heini F. Sørensen Thisted FC Danmark
Ejvind R. Mouritsen HB
Beinir Nolsøe NSÍ
Jens Erik L. Bruhn EB/Streymur
Álopsspælarar
Poul Kallsberg Víkingur
Jørgen Nielsen Víkingur
Olaf Bárðarson Víkingur
Gutti Dahl-Olsen B36
Leivur F. Guttesen HB
