Í gjárkvøldið var ein lítil mótmælisgonga í Havn, men tað fór eitt sindur yvir gevind.

Vinafelagið Føroyar Ísrael skipaði fyri tiltaki í sambandi við at tríggir jødar eru komnir til Føroyar at greiða frá støðuni í Ísrael.

Men uttanfyri vóru eini 10-15 fólk frá Áhugafelagnum Palestina, møtt at mótmæla Ísrael.

Tað var eitt sindur av rópi, men løgreglan sigur at tað vant upp á seg, og tað endaði við, at ein maður, sum mótmælti uttanfyri, fór inn í Finsen og stjól eitt ísraelskt flagg. og rýmdi við tí.

Løgreglan veit ikki hvør tað var men tey vilja fegin vita um nakar sá tað. Løgreglan sigur, at í hesum sambandi hava tey stovnað eitt mál um stuldur, tí flaggið kom ongantíð aftur í aftur.

Løgreglan sigur, at í Føroyum hava vit frælsi at mótmæla og at gera vart við okkara sjónarmið. Men tað skal ikki vinda upp á seg og enda sum tað endaði í gjárkvøldið.

Tað er eitt vónbrot, at løgreglan skal verða noydd at verða til staðar á slíkum tiltøkum, tí fólk eiga at hava frælsi at mótmæla og gera vart við síni sjónarmið, sigur løgreglan.