Herverk: Kruvdu tvey dekk á bilinum

Tá ið Poul Esper Hansen í Skálafjørði skuldi fara í bilin í kvøld, varð hann illa við. Bilurin hevði staðið uttan fyri skúlan á Glyvrum og ímeðan hann var úr bilinum, hevði onkur verið og kruvt tvey av dekkunum.

Hann sigur, at herverkið er farið fram í tímanum ímillum klokkan 17.30 - 18.30 í kvøld. Tilburðurin er meldaður, men um onkur hevur sæð nakað, so eru tit vælkomin at siga frá.