Føroya Pedagogfelag, Arbeiðsgevarafelagið og Fíggjarmálaráðið fóru aftur til samráðingarborðið í gjár. Ætlanin var upprunaliga ikki at undirskriva sáttmála, men sambært semingsmanninum gingu samráðingarnar so mikið væl, at sáttmáli varð undirskrivaður seint í gjárkvøldi – og verkfallið er avblást.
Tí hevur Helgi Abrahamsen, umhvørvis- og vinnulívsmálaráðharri, tikið umstrídda lógaruppskotið aftur. Uppskotið snúði seg um at leingja sáttmálarnar hjá ávísum starvsfólkum í Almannaverkinum, sum ikki kunnu fara í arbeiðssteðg, tí tað stendur um lív og heilsu. Sambært uppskotinum er tað Almannaverkið, sum metir um hvørji starvsfólk, tey ikki kunnu vera fyriuttan.
Sambært 36 fakfeløg gjørdi uppskotið seg inn á verkfalsrættin. Fakfeløgini høvdu tí áður heitt á Helga Abrahamsen um at taka uppskotið aftur, og ætlanin var at kunngera stríðsstig hetta vikuskiftið. Men hetta verður av ongum, nú uppskotið er tikið aftur.
.png){kind=logo}
