Heimsins elsti livandi persónur, Maria Branyas Morera úr Spania, er deyð.
Tað boðar familja hennara frá í dag.
Maria Branyas Morera var 117 ára gomul nú hon andaðist, og upplivdi sostatt tveir heimsbardagar.
Hon varð fødd í San Francisco í USA 4. Mars 1907. Familjan flutti í 1915 aftur til Spania.
- Marya Branyas er farin. Hon andaðist, sum hon altíð ynskti: Í svøvni sínum, friðsom og uttan pínu, skrivar familjan á sosiala miðilin X.
Branyas livdi hennara seinastu 20 ár á ellisheiminum Santa Maria del Tura, í býnum Olot í tí norðeystara partinum av Spania
Guinnes World Records viðurkendi hana sum heimsins elsta livandi persón í januar 2023. Tað var eftir at franska nonnan Lucile Randon doyði, 118 ára gomul.
Eftir at Branyas er farin er heimsins elsti persónur nú japanarin Timiko Itooka. Hann varð føddur 23. Mai 1908, og er 116 ára gamal sambært amerikanska felagsskapinum US Gerontology Research Group.
/ritzau/AFP
