Langa sigursrøðin hjá oddaliðnum í Betri deildini hjá monnunum steðgaði í gjár, tá Víkingur á útivølli tapti ímóti føroyameistarunum úr Klaksvík.
Sigurin hjá KÍ ger, at teir nú hava hálað seg upp á sama stigatal sum HB - trý stig aftanfyri Víking. Hetta merkir eisini, at vinnur HB sín dyst í kvøld, leggja teir seg undir liðina á Víkingi á fyrsta plássinum.
HB spælir í kvøld klokkan 18.30 undir Mýruhjalla, har Skála tekur ímóti. Skála hevur vunnið seinastu tveir landskappingardystirnar, og liðið var bara fáar minuttir frá at fáa javnleik ímóti KÍ á heimavølli. Talan kann tí gerast um trupla uppgávu fyri HB, sum annars bara hevur mist stig í einum dysti í ár, sum var á útivølli ímóti oddaliðnum Víkingi.
Tveir aðrir dystir verða í kvøld. Dysturin ímillum NSÍ og 07 Vestur við Løkin byrjar eisini klokkan 18:30. Í Gundadali tekur B36 ímóti EB/Streymi. Tann dysturin byrjar klokkan 19.
Í annaðkvøld er seinasti dysturin í 9. umfari á skránni. Tá tekur B68 ímóti ÍF á Svangaskarði klokkan 18.
9. umfar í Betri deildini
Sunnudagur 12. mai | 15:00 | 2 | 1 | ||
Mánadagur 13. mai | 18:30 | - | - | ||
Mánadagur 13. mai | 18:30 | - | - | ||
Mánadagur 13. mai | 19:00 | - | - | ||
Týsdagur 14. mai | 18:00 | - | - |
Stigatalvan - Betri deildin menn
1 | 9 | 8 | 0 | 1 | +19 | 24 | |
2 | 9 | 7 | 0 | 2 | +12 | 21 | |
3 | 8 | 7 | 0 | 1 | +11 | 21 | |
4 | 8 | 5 | 0 | 3 | +5 | 15 | |
5 | 8 | 3 | 2 | 3 | +2 | 11 | |
6 | 8 | 3 | 2 | 3 | -3 | 11 | |
7 | 8 | 3 | 1 | 4 | -1 | 10 | |
8 | 8 | 1 | 1 | 6 | -6 | 4 | |
9 | 8 | 0 | 1 | 7 | -13 | 1 | |
10 | 8 | 0 | 1 | 7 | -26 | 1 |
