HB hevur fyri lítlari løtu síðani boðað frá, at felagið hevur skrivað undir sáttmála við Jakob Johansson.
Jakob Johansson er 25 ára gamal álopsspælari. Síðani á nýggjárinum hevur hann ikki verið knýttur at nøkrum felag.
Hann spældi í síni tíð á donsku U17, U18, U19 og U20 landsliðunum.
Síðsta felagið í Danmark, sum nýggi HB spælarin umboðaði, var FC Helsingør, sum hann umboðaði í tíðarskeiðnum 1. oktober til 31. desember 2023.
Áður hevur hann umboðað Fremad Amager, HB Køge og FC Nordsjølland.
Jakob Johansson hevur spælt 114 dystir og skorað 24 mál í næstbestu deildini í Danmark.
Fyrsti dysturin hjá HB í landskappingini verður sunnudagin, tá ið NSÍ verður gestur í Gundadali.
Tá ið HB leygardagin vann stórsteypadystin ímóti KÍ 3-2, var 16 ára gamli Dávid Reynheim, sum skoraði eitt av málunum, fremsti maður hjá HB. Mikkel Dahl er sáttmálabundin at HB, men hann var ikki við í stórsteypadystinum.
