HB skal møta Hajduk Split úr Kroatia í øðrum umfari í Conference League. Hetta var sterkasta liðið HB kundi møta, so talan varð um eitt satt marrulutakast fyri føroysku steypavinnararnar.
Hajduk Split er eitt av mest vinnandi liðunum í Kroatia, og endaði farna kappingarár á triðja plássi í kroatisku deildini. Venjarin hjá felagnum er italska legendan Gennaro Gattuso, sum hevur spælt nógvar dystir fyri m.a. AC Milan og italska landsliðið. Hann gjørdist venjari hjá Hajduk Split fyri bara einari viku síðani.
Stóra stjørnan á kroatiska liðnum er 35-ára gamli Ivan Perišić, sum hevur spælt við nógvum stórum evropeiskum liðum, m.a. Inter, Bayern München og Tottenham. Hann er í løtuni til EM við kroatiska landsliðnum, sum hann hevur spælt 132 dystir fyri.
Dystirnir millum HB og Hajduk Split verða leiktir 25. juli og 1. august. Hajduk Split hevur heimavøll í fyrra dystinum.
