hava longu ásett dagarnar fyri summarfestivalin næsta ár

Summarfestivalurin er akkurát farin aftur um bak og fyrireikararnir eru væl nøgdir. Festivalurin var ein av teimum heilt góðu. Veðrið var gott, serstakliga leygarkvøldið, og nógv fólk var á festivali, siga fyrireikararnir.

Útlendsku høvuðsnøvnini Olly Murs, Uriah Heep, Faustix og Paul Watchorn høvdu góðar framførslur, og føroysku tónleikararnir, og bólkarnir, spældu aftur í ár týðandi leiklut á festivalinum við fjølbroyttum og frálíkum konsertum.

Umframt tað var eisini stór undirtøka fyri Silvalandi og tjaldbygdini. 

Men fyrireikararnir liggja ikki á latu síðuni og teir siga, at í næstum verður farið undir at fyrireika festivalin næsta ár.

Tað er eisini greitt, at summarfestivalurin næsta ár verður dagarnar frá 7. til 9. august.