Hava fingið nýtt fólk at standa á odda

Nevndin í ferðavinnufelagnum hevur havt sín fyrsta fund eftir aðalfundin og á hesum fundinum hevur nevndin eisini skipað seg, sigur Vinnuhúsið.

Og tað er greitt, at Felagið hevur finguð nýtt fólk at standa á odda, tí nú er tað Henny á Líknagøtu, sum annars arbeiðir hjá Smyril Line, sum er forkvinna. 

Árni Olsen, sum arbeiðir á Atlantsflogi, hevur verið formaður, men hann er nú næstformaður.

Hini í nevndini eru Hans Jákup Kollslíð frá HK-Bussum, Sakaris Frederiksen frá Fonn Flog, Jenny í Heiðunum frá Hotel Djurhuus og tiltakslimur er Mimmy Vágsheyg frá Kafe Fríðu í Klaksvík

Ferðavinnufelagið virkar fyri áhugamálunum hjá fyritøkunum í ferðavinnuni.