Ongi úrslit

Hans Harryson framfluttur til lektara

Hans Harryson er nýggjur lektari á Námsvísindadeildini á Fróðskaparsetri Føroya

setur.fo
11. mars kl. 22:15

Hans hevur verið í starvi á Fróðskaparsetri Føroya síðan 2008. Frá 2014 til 2018 var hann innskrivaður sum phd.-lesandi á Fróðskaparsetri Føroya og á Aarhus universitet. Talan var um eina sokallaða dupulta innskriving (double degree).

 Her hevur Hans júst staðið sína ph.d.-verju og fær prógv og blómur frá Sigurð í Jákupsstovu, sum tá var rektari á Fróðskaparsetri Føroya

Eftir loknan ph.d.-lestur hevur Hans arbeitt sum ávikavist undirvísari, útbúgvingarleiðari fyri læraraútbúgvingina og sum varadekanur á Námsvísindadeildini. 

Tá vísindastarvsfólk á Fróðskaparsetri Føroya verða framflutt til lektara og síðani til professara, skal ein umsókn sendast eini uttanhýsis metingarnevnd við útlendskum granskarum. Vanliga er eitt føroyskt umboð eisini partur av metingarnevndini.

Uppgávan hjá metingarnevndini er at meta um umsøkjaran út frá fýra atlitum: 1) vísindaligar útgávur, 2) undirvísing og vegleiðing, 3) miðlan av gransking og 4) fyrisitingarligar royndir.

Limirnir í metingarnevndini vóru samdir um, at akademisku avrikini hjá Hansi luku allar akademiskar treytir og mæltu tí til, at Hans verður útnevndur lektari á Fróðskaparsetri Føroya. 

Í metingarnevndini sótu Anna Kristín Sigurðardóttir, professari á Háskúla Íslands, Elsebeth Jensen, lektari og dekanur á VIA, Aarhus og Malan Marnersdóttir, professari emerita, Fróðskaparsetur Føroya. 

 

Mest lisið hesa vikuna

Deyður av vanlukku í Havn

6 tímar síðan

Eg vil við hesum koma við eini umbering

13. mars kl. 15:20

Hetta er so andstyggiligt, at tað sker í hjartað

12. mars kl. 10:00

Eg kenni meg noyddan at siga okkurt og taka samanum

Í gjár kl. 14:34

Tað sker í eyguni á tveimum løgtingslimum

10. mars kl. 16:40

Tóku koyrikortið frá gomlum bilførara

13. mars kl. 07:42