Samgongan millum Sambandsflokkin, Fólkaflokkin og Miðflokkin heldur fram óbroytt við neyvt somu orðingum í samgonguskjalinum og frammanundan.
Tað var úrslitið av kreppufundinum millum floksleiðararnar í samgonguni og lítlu samgongu millum jól og nýggjár.
Tað vátta umboð fyri samgonguflokkarnar fyri Dimmalætting.
Ikki eitt komma er broytt í samgonguskjalinum og avtaluni, sum flokkarnir skrivaðu undir í september 2019, tá samgongan varð skipað.
Tað merkir í stuttum, at flokkarnir halda fast um avmarkingina í samgonguskjalinum, sum fyri jól í fjør var ein so stór hóttan móti samgonguni, tá málið um sammøður varð samtykt við triðju viðger, at tað mundi enda við samgongusliti.
Tað er stutta orðingin í innganginum í samgonguskjalinum, sum ósemja hevur verið um. Har stendur: ”Í politiska arbeiðinum verða lógarbroytingar bert gjørdar, um semja er millum samgonguflokkarnar”.
Meira um avtaluna millum samgonguflokkarnar og avmarkingina í samgonguskjalinum er í blaðnum, sum kemur í dag.
Les meira: Samgongan hevur bundið fyri: Halda fast um avtaluna í samgonguskjalinum