Fyrrverandi Chelsea framherjin og leikani venjarin, Gianluca Vialli, er deyður, 58 ára gamal.
Vialli fekk staðfest krabbamein í 2017, men segði í 2020 at krabbin var burtur.
Hann fekk kortini staðfest krabbamein aftur í 2021.
Í landsliðshøpi spældi hann 59 dystir fyri italska landsliðið, har hann spældi sín fyrsta dyst í 1985.
Vialli byrjaði sína lívsleið í italska felagnum Sampdoria í 1984, har hann vann Serie A og Cup Winners Cup.
Eftir átta ár í Sampdoria flutti hann til Juventus fyri 12 milliónir pund, ið tá var met. Vialli var fýra ár í Juventus, har hann vann Champions League, Uefa Cup og fleiri Serie A meistaraheiti.
Vialli flutti síðani til Chelsea í 1996, har hann síðani gjørdist leikandi venjari í 1998.
Vialli var fyrsti italski venjarin í Premier league, og hann megnaði eisini at vinna League Cup, Cup Winners Cup, Super Cup og FA Cup.
Eftir eina vánaliga byrjan upp á kappingarárið í 2000, varð Vialli koyrdur úr felagnum, og hann var síðani eitt stutt tíðarskeið venjari hjá Watford í næstbestu deildini.
Eftir at Vialli gavst sum venjari, hevur hann eitt tíðarskeið virkað sum viðmerkjari fyri Sky Sports, og seinastu árini hevur hann verið knýttur at italska landsliðnum.
