Fyrsti tingfundur í ár
Tvey mál eru á skránni hjá løgtinginum í dag
Jákup Bogi Joensen
25. januar 2022 kl. 08:41
Fyrsti tingfundur í hesum árinum verður í dag.
Tvey mál á skránni hjá løgtinginum.
Tjóðveldi eigur uppskotið til samtyktar um at tryggja nøktandi vælferðartænastur í framtíðini. Tað málið kemur til aðru viðger.
Hitt uppskotið eigur Jørgen Niclasen, landsstýrismaður. Tað er um at lækka aldursmarkið fyri talgildum samleika úr 15 árum niður í 13 ár.
Tingfundurin í dag byrjar klokkan 13.00.
Hósdagin fer tingið at hava fyrstu viðger av uppskotinum hjá Jørgeni Nicalsen um samferðslupakkan - eitt nú um hækking av avgjøldum á brenniolju og tungolju.
Tað uppskotið er ikki fallið í góða jørð hjá øllum og smakkar fleiri í samgonguni illa.
.png){kind=logo}