MLS liðið, Charlotte FC, er í dag komin við serstakliga syrgiligum tíðindum.
Anton Walkes doyði í morgun – bert 25 ára gamal.
Charlotte FC skrivar onki um hví Anton Walkes andaðist.
Anton Walkes var ein enskur verjuleikari, sum hevði fortíð hjá Tottenham. Hann var ein partur av ungdómsakademinum, og var skrásettur fyri 39 dystir fyri u21 liðið.
Anton Walkes er skrásettur fyri ein dyst hjá besta liðnum hjá Tottenham, tá hann fekk 10 minuttir í móti Gillingham afturi í kappingarárinum 2016/17.
Í tíðini hjá Anton Walkes í Tottenham var hann leigaður til Atlanta United og Portsmouth og skrivaði síðan til sáttmála við Portsmouth.
Eftir tíðina í Portsmouth fór hann til Atlanta United, og við endan av 2021 bleiv hann Charlotte FC leikari.
Her leikti hann 24 dystir áðrenn hann andaðist.
