Fyrrverandi City venjari nærkast Saudi Arabia

Fyrrverandi Manchester City venjarin, Roberto Mancini, er nær við at blíva landliðsvenjari hjá Saudi Arabia.

Tað skrivar Sky Sports.

Mancini tingast um ein trý ára sáttmála, sum til samans fer at geva honum 670 milliónir krónur. Tað svarar til umleið 223 milliónir krónur um árið.

Mancini er klára fyrstavalið hjá Saudi Arabia, sum hann kann venja til HM endaspælið í 2026.

Saudi Arabia spældi seg til HM í 2018 og í 2022, men í báðum førum fór landið úr bólkaspælinum.

Í HM endaspælinum í Qatar í fjør var Saudi Arabia einasta landið, ið vann á heimsmeistarunum Argentina.