Tað snýr seg um, at lokalir spælarar syrgja fyri, at Víkingur er við í kappingini um FM og europeisku plássini.
Soleiðis plaga teir at siga í Víkingi, og í kvøld hava teir enn einaferð staðfest, at tað ikki bara eru orð.
Víkingur boðar í kvøld frá, at fýra ungir spælarar hava skrivað undir tvey ára sáttmálar í Sarpugerði. Talan er um fýra spælarar, sum eru uppvaksnir í Sarpugerði, og sum longu hava gjørt seg galdandi á besta liðnum.
Undantakið er 19 ára gamli Hans Jákup Arngrímsson. Hann er evnaríkur málverji, sum higartil hevur vart málið í næstbestu deildini. Eingin ivast í hansara evnum.
Hinir tríggir eru fastir menn á besta liðnum. Teir eru vongverjarnar 20 ára gamli Signar á Brúnni og 21 ára gamli Ingi Jonhardsson og 20 ára gamli miðvallarin Aron Jarnskor Ellingsgaard.
