Í samband við kommunuvalið, sum verður í november, hevur Dimmalætting sett øllum borgarstjórum í landinum nakrar spurningar.
Her svarar Dávur Juul, borgarstjóri í Fuglafjarðar kommunu:
Hvat avrik í hesum valskeiðnum er tú fegnast um?
- Íbúðarbygging komin í eina trygga legu, útstykking vesturi á Fløtum er komin undir land, miðbýarætlan er ávegis, heilsumistøðin, ungdómshúsið og at skuldin er minkað.
Hvat mál, sum ikki eydnaðist at loysa í hesum valskeiðnum, iðrar tú teg mest um?
- Keyp av byggilendi, dagføring av 64 skúlanum, grøna leiðin, ruskøki, fríðkan í kommununi og skattalætti.
Hvat er størsta málið, sum er fyri framman, í komandi valskeiði?
- Dagføring av 64 skúlanum, eldraøki/eldra íbúðir, lendiskeyp til útstykkingar og vegir, vatngoymslan, kloakk uppstigan, kirkjugarðs víðkan, gera miðbýarætlanina til veruleika og gera Fuglafjørð til ein grønan bý (fjarðhitaskipan).
Stillar tú upp aftur á komandi kommunuvali?
- Endalig støða ikki tikin.
