Í morgin, leygardagin 5. oktobur verður friðargonga og stuðulstiltak í Havn fyri Palestina.
Friðargongan byrjar klokkan 14 á Kongabrúnni í Havn og har eru øll vælkomin
Aftan á verður stuðulstiltak í Blábar við tónleiki, yrkingaupplestri og røðum og ein av fyrireikarunum, Sigmundur Mørkøre í felagsskapinum,
Samhugi við Palestina, vónar, at fólk eisini stuðla fíggjarliga, og tað, sum kemur inn, fer óskert til ein hjálparfelagsskap til frama fyri børn í Palestina.
Ætlanin er, at friðargongan fer av Kongabrúnni, niðan gjøgnum býin, eftir Tinghúsvegnum og síðan oman í Blábar, stuðulstiltak verður- og fyrireikararnir heita á fólk um at hava skelti og fløgg við
Røðarar verða Nadia Abrahamsen, Høgni Hoydal, landsstýrismaður í uttanríkismálum og Turið Maria Johansdóttir fyri Amnesty í Føroyum
Tey, sum fara at syngja og spæla, eru Aggrasoppar, Bartal Augustinussen, Guðrið Hansdóttir og Elin Brimheim Heinsesen
Marjun Syderbø Kjelnæs og Rannvá Holm Mortensen far at lesa yrkingar.
Tey heita eisini staðiliga á fólk um hvørki at blanda mótstøðu ímóti islam, ímóti jødadómi, ella rasismu, upp í tiltakið.
