Freyja fyrstu ferð í Runavík

Í dag kom farmaskipið Freyja hjá reiðarínum Cargow fyri fyrstu ferð inn á Runavík. Tað er dóttirfelagið hjá Cargow, NWC (North West Chartering), sum skipar teirra virksemi í Føroyum.

Jónhard Johannesen, stjóri í NWC, sigur, at skipið er komið inn á Runavík við tómum bingjum, tí gjørt verður klárt til fasta rutusigling. Á NWC gleðast tey um, at Føroyar nú verða fastur partur av rutuni, og tey vóna, at NWC kann veita føroyskum kundum eitt gott og álítandi sjóvegis samband til grannalondini.

Freyja er eitt av fýra systurskipum, sum eru 138 metrar long og 21,4 metrar breið og hava tveir 60 tons kranar í bakborð. Øll skipini eru skrásett á Kypros, skrivar Runavíkar havn.