Framsýning: List úr Norðoyggjum
Fríggjadagin 10. november klokkan 16, opnar listasýningin "List úr Norðoyggjum" í Listasavni Føroya
Innsent
9. november 2017 kl. 10:26
Framsýningin "List úr Norðoyggjum. Verk frá Norðoya Listafelagi, Norðoya Sparikassa og Klaksvíkar Kommunu" letur upp 10. november kl. 16 á Listasavni Føroya.
Norðoya Listafelag, Norðoya Sparikassi og Klaksvíkar Kommuna hava lænt Listasavninum fleiri góð og forkunnig listaverk at sýna fram. Listafólkini eru Amariel Norðoy, Edward Fuglø, Frida Zachariassen, Hanni Bjartalíð, Hans Hansen, Hans Jákup Glerfoss og Olivur við Neyst.
Nils Ohrt, savnsstjóri, bjóðar vælkomin.
Signhild Johannesen, forkvinna í mentanarnevndini hjá Klaksvíkar Kommunu, setur framsýningina.
Hans Andrias Jacobsen framførir tónleik.
Savnið bjóðar ábit.
Tiltakið er ókeypis og øll eru vælkomin.
Framsýningin er opin til sunnudagin 21. januar 2018.
Vinarliga,
Listasavn Føroya
