Fyrsta umfar í Betri deildini er á skránni seinnapartin í dag. Fyrsti dysturin var í gjár, tá ið 07 Vestur á heimavølli vann 1-0 ímóti ÍF.
Veðrið er av tí fagrasta í morgun, men forsøgnin sigur, at veturin fer at gera um seg næstu dagarnar. Seint seinnapartin fer vindurin at vaksa, og tá verða hitastigini færri.
Tríggir av teimum fýra dystunum seinnapartin vera norðanfyri, og har fer veturin, sum forsøgnirnar siga næstu dagarnar fer at gera um seg, longu at kennast, tá ið dómararnir faraat bríksla fyrstu ferð.
Hann er útsynningur í morgun, men um ta tíðina, tá ið fyrsta bríksl verður seinnapartin, verður tað høgætt. Nú er hitin eitt sindur omanfyri frostmarkið, men tá ið síðsta bríksl verður seint seinnapartin, fer hitin at liggja um frostmarkið.
Uppflytararnir í TB eru á veg til Klaksvíkar. Forsøgnin sigur, at høgættin longu tíðliga seinnapartin fer at kennast inn eftir vánni, og at tað verða kavaalingar, og veðrið verður umleið tað sama í Sarpugerði og á Eiði, sum tað verður í Klaksvík.
Tvey feløg eru á veg úr høvuðsstaðnum og út á bygd at spæla. AB er á veg til Eiðis, og B36 fer at spæla í Norðragøtu. Høgættin er góð í Havn og ikki minst í Gundadali, og tað fara HB og B68 at sanna seinnapartin.
KÍ – TB: Rani A. Skaalum kl. 15.00
EB/Streymur – AB: Jóhan Hendrik Ellefsen kl. 15.00
Víkingur – B36: Dagfinn Forná kl. 15.00
HB – B68: Kári J. á Høvdanum kl. 15.00
Í gjár
07 Vestur – ÍF 1-0 (0-0)
1-0: Uros Stojanov 84.
Dómari: Rúni Gaardbo
07 Vestur: Ari í Haraldstovu – Matthias Voss, Daniel Ebbekjær, Dánial Pauli Lervig, Rasmus Knudsen – Janus Svabo Samuelsen (Teitur Olsen, 84.), Magnus Holm Jacobsen, Jóannis á Steig (Høgni Egilstoft Nielsen, 67.) – Jasper Van Dey Heyden (Oddur Petersen, 89.), Uros Stojanov, Jóhann Hansson Joensen
Gult kort: Dánial Pauli Lervig, Magnus Holm Jacobsen, Rasmus Knudsen, Oddur Petersen, Teitur Olsen
Venjari: Michel Schjønberg
ÍF: Tóri Traðará – Elias Lervig, Tóri Nolsøe Olsen, Jan Ó. Ellingsgaard, Pól Jákup Lundsbjerg (Gonzalo Ivan Zarate Fagiuoli, 78.) – Hans Jákup Lervig, Karl Løkin, Jóhann J. Højbro, Elvio Gelmini – Jhon Mena Perez, Dánjal á Lakjuni (Gundur E. Petersen, 60.)
Gult kort: Jhon Mena Perez, Tóri Nolsøe Olsen
Venjari: Alexandar Jovevic
